زهرة الأفكار .. كلمات وإلقاء الشاعر حماد الهمل
إيسايكو: زهرة الأفكار .. كلمات وإلقاء الشاعر حماد الهمل.
القصيدة كاملة
يازهرة الافكار مري فوق بحري البديع
جات البدايع تنطلق من فوق موجه جاريه
مري قوافي شعري الي ذوقها دايم رفيع
في ذعذعة نسايمش تصبح بحوري حاليه
ضاقو وفود الشعر ولا الشعر ميدانه وسيع
بس الشعر ودع عقب موت السنين الماضيه
والحاضر الي نسكنه كله تكاليف وصنيع
صارت نفوس الخلق طول الوقت ماهي راضيه
كلن يسوم العافيه بس مالقينا من يبيع
والسوق عرضٍ وطلب والحظ منهو راعيه
والعاقل الي فالزمن هذا مجنب الصديع
ماني مربي جاهلٍ مخطي رباته واليه
والي يعرض للزمن خده يلاقيله صفيع
والي يعز النفس تصبح في سماها عاليه
والحظ طيرٍ ماعرفنا موقعه بأيّات ريع
شفنا كبار الحظ هم اهل العقول الخاليه
من راقب الدنيا يشوف ان الزمن مشيه سريع
يعني ترى الدنيا مثل ظل الطروق الماشيه
ماتحتمل حقد وزعل او قطع اوصال الرضيع
لتصير للي ناقل النمات اذنٍ صاغيه
اثر الدراهم فرقت ناسٍ عقب ماهم جميع
كل المشاكل من ورى درهم وحرمه غاليه
والناس تبغى اي سبب لجل التشره والقطيع
ضاقت نفوس الخلق صارت من قيمها عاريه
قلنا عدا الاسلام شرهم صوبنا غادي فضيع
اثر الطلايب بيننا والشر في كل زاويه
مو كل من حب النبي قلنا بساتين وربيع
كلٍ محب بصيغته وشرورهم هي دانيه
قالو ترى الحكمه لمن ياقا قبل وقع الوقيع
اول مسافات الزمن مشوارهابالثانيه
يازهرة الافكار وان كان الزمن عيا يطيع
خلش معي مابي من الدنيا يكود العافيه
الشاعر حماد الهمل
