قصيدة الشاعر فهد عافت في مدح الأمير طلال الرشيد

إيسايكو: قصيدة الشاعر فهد عافت في مدح الأمير طلال الرشيد

الأمير طلال الرشيد (رحمه الله)

الشاعر فهد عافت

كفو هي مالها إلا واحدٍ مثلك شديد الباس
إلى ضاقت على الحر الكريم وخانت اظروفه

كفو من أول حدود الأمل لآخر حدود الياس
ولا به ياس دام انك هناك ولك بها شوفه

ابو نواف أبو كل النوايف رافعات الراس
ولد عبدالعزيز اللي حياته كانت احتوفه

طلال وقبل احدر حاجتي يرقا لها قرناس
كثر عرفه بجهلي شفت انا جهله بمعروفه

جلس مثل الرضا في قلب من صلى العشا بنعاس
وقف مثل العفو فيه مثله ساعة اوقوفه

عزيز ٍ في الحياه ليا صمد ماكن فيه إحساس
ذليلٍ في الصلاة اليا سجد ما قام من خوفه

كريم ٍ والله إنه يستحي من ردت الأنفاس
إلى منه عطاها للهبوب وردت ال جوفه

وش أكتب يالقلم يالمحبرة يالليل يالقرطاس
تعزبت المعاني والمعاني كانت ضيوفه

كفو ماهي كفو اللي صارت لحيْ الله من الناس
كفو للي كفو لو كملوها صارت كفوفه