مرثية فهيد بن محمد المتين رحمه الله .. كلمات وإلقاء الشاعر حماد الهمل

إيسايكو: مرثية فهيد محمد المتين رحمه الله .. كلمات وإلقاء الشاعر حماد الهمل.

ياذا الوبا وشعاد باقي تسويه
سالت عيونٍ عقب ماهي جفيفه
هزيت قلبٍ صلف من حرّ ما فيه
في فقدنا للفهيد هذي كليفه
امنولٍ ندعي عسى الله يشافيه
والله أراد انه يخليه ضيفه
ياربِّ يالي كل أمرٍ بياديه
ضيفك وصل يرجيك حسنٍ مضيفه
ضيفك كريمٍ طيباتٍ مساعيه
بين البشر راعي فعايل منيفه
ضيفك مشرّع مجلسه ما يخليه
ذربٍ ليا شفته ونفسٍ خفيفه
ما مات من خلف تبيعٍ خطاويه
اعوال عودٍ للشكاله رديفه
وبسئِلِك عن ضيف ركنه شهد فيه
في مسجدٍ كبره يلز ابرصيفه
ضيفك يبر الأم كانه شفع فيه
والبر طش اذنوب لو هي مخيفه
يبكيه قومٍ كل صعبٍ توطيه
هم المتين أهل الفعول الشريفه
يبكيه كل عجمي وربعه وغاليه
ادموع خلق الله تناثر نزيفه
ياذا الكرم والجود أسألك تعطيه
كل ما يشفّه بالجنان المريفه

الشاعر حماد الهمل