قصيدة (نلعب مع الأحزان) كلمات و أداء الشاعر حماد الهمل

القصيدة بصوت الشاعر حماد الهمل

على الرابط الآتي:

كلمات القصيدة:

شيب القوافي والعرب تلعب القيفان
وبعض الأوادم ما عرف وش قوافيها
الا يالعويد الي خفت صوتك النسيان
شباب الزمن يهتف ولا هو بيوحيها
قبل لا تلوم الوقت يا صاحبي غلطان
تبصر بنفسك واعترف وش خوافيها
ترى الوقت مثل السيف والعمر بالميدان
تصوب بسيف الحرب او هو بطش فيها
درسنا تجارب والتجارب هي البرهان
ومن لا حفظ درسه سقط في مماشيها
نساير هوا الدنيا ونلعب مع الاحزان
تفتق جروح القلب ثمٍ تداويها
ومن لا بنى اسمه مع القوم والعربان
تسفه ذرى بقعا بتربة سوافيها
حياتك مثل لوحة وفعلك لها الوان
أحد يبدع الرسمة وأحد ما رسم فيها
عجيبٍ اشوف الرجل يرقا على البنيان
حجارة معادينه يشيد مبانيها
لسان الرجل قد قيل بالامثله احصان
يصونك يخونك والقدم من خطاويها
أحب الرجل لا قال يضرب على النيشان
ويترك كثير القول لا يبتلش فيها
وعيف المجالس لو اهلها وساع بطان
لصارت عروقه من نمايم سواقيها
انا ما احب الي غشيمٍ سليط السان
كثير التشره نشدته ما يخليها
وحب الوفي القرم ومدله الظيفان
ذرابة كلامه فاكهه من مجانيها

الشاعر حماد الهمل